Gwobrau CREST yw rhaglen addysg flaenllaw Cymdeithas Wyddoniaeth Prydain, sy’n darparu gweithgareddau cyfoethogi i ysbrydoli, ymgysylltu a chysylltu pobl ifanc 5-19 oed ledled y DU â gwyddoniaeth, technoleg, peirianneg a mathemateg (STEM).
Mae holl adnoddau addysg CREST am ddim; Mae pob Gwobr CREST yn rhad ac am ddim i gofrestru i fyfyrwyr yn ysgolion Cymru, diolch i gyllid gan Lywodraeth Cymru.
Adnoddau am ddim sy'n cyd-fynd â'ch cwricwlwm
Defnyddio adnoddau prosiect STEM profedig sy'n cyd-fynd â phedwar diben Cwricwlwm i Gymru.
Arbed amser i chi'ch hun
Mae gweithgareddau hawdd i'w rhedeg wedi'u cynllunio ar eich cyfer gyda chardiau cyfarwyddyd wedi'u cynllunio'n ofalus sy'n arbed amser, gan gynnwys senarios i gyflwyno'r gweithgareddau.
Ymgysylltwch â phob myfyriwr
Gall dosbarthiadau o fyfyrwyr gallu cymysg, gan gynnwys myfyrwyr ADY, gymryd rhan yn y gweithgareddau, ar yr un pryd.
Cynyddu dewis pynciau STEM
Fel y nodwyd yn ein hadroddiad effaith CREST diweddar, mae myfyrwyr sy'n cwblhau Gwobr Arian hefyd 21% yn fwy tebygol o astudio pwnc STEM ar Lefel AS, gan godi i 38% ar gyfer myfyrwyr sy'n gymwys i gael prydau ysgol am ddim.
Sgiliau ar gyfer ceisiadau (ac ar gyfer bywyd!)
Mae Gwobr CREST hefyd yn gyflawniad gwych i fyfyrwyr ei gynnwys ar ffurflen UCAS, cais am swydd, cais am brentisiaeth, neu siarad amdano mewn cyfweliad.
Mewn gwirionedd, mae Gwobr CREST yn wych i'w hamlygu mewn unrhyw sefyllfa i bobl ifanc ddangos dawn ac angerdd dros STEM, neu'r sgiliau i gwblhau prosiect ymchwiliol yn annibynnol. Darllenwch stori Toby Hill yma, a enillodd Wobr CREST Aur yn 16 a helpodd iddo gael ei dderbyn i astudio peirianneg ym Mhrifysgol Caergrawnt ac sydd bellach yn gweithio ym Mewburn Ellis.
Star: 3-7 oed fel arfer
Gweithgareddau bywyd go iawn, cyfarwydd, ar gyfer plant sy'n cychwyn ar eu taith STEM.
Amser i gyflawni: 8 x 1 awr
SuperStar: 7-11 oed fel arfer
Gweithgareddau bywyd go iawn, cyfarwydd, ar gyfer plant sy'n edrych am her.
Amser i gyflawni: 8 x 1 awr
Darganfod: 10-14 oed fel arfer
Gwaith a arweinir gan fyfyrwyr gyda phrosiect cydweithredol mewn cyd-destun byd go iawn.
Amser i gyflawni: 5 awr (gellir ei wneud mewn un diwrnod)
Canllaw yn unig yw pob oedran a roddir, dewiswch y lefel Gwobr sydd fwyaf addas ar gyfer eich myfyrwyr yn eich barn chi.
Gallwch ddefnyddio'r cyfrif hwn i gyflwyno gwaith prosiect CREST ac archebu tystysgrifau.
Porwch y gweithgareddau yn ein llyfrgell CREST. Ar gyfer Star a SuperStar dewiswch wyth gweithgaredd i'w rhedeg. Ar gyfer Darganfod dewiswch un.
Dyma'r rhan hwyliog! Mae'r plant yn cymryd rôl ymchwilwyr, tra byddwch chi'n defnyddio'r cerdyn trefnydd i helpu i sefydlu'r gweithgaredd.
Nid yw Gwobrau CREST yn gystadleuol. Os ydych chi'n teimlo bod eich myfyrwyr wedi cymryd rhan yn ddigonol, yna byddant wedi cyflawni eu Gwobr CREST.
Mewngofnodwch i'ch cyfrif CREST a gofynnwch am dystysgrifau. Bydd y rhain yn cael eu postio atoch chi.
Canllaw cychwyn Cynradd ar gyfer Star neu SuperStar
Dewch o hyd i'ch adnodd perffaith, gyda dros gant o adnoddau prosiect CREST am ddim a phecynnau her ar gael sy'n ymgorffori ystod o weithgareddau ac arbrofion STEM sy'n pontio themâu niferus i weddu i wahanol sgiliau a grwpiau oedran.
I gefnogi addysg cyfrwng Cymraeg, rydym yn cynnig amryw o brosiectau Gwobrau CREST yn y Gymraeg
Darganfod: 10-14 oed fel arfer
Gwaith a arweinir gan fyfyrwyr gyda phrosiect cydweithredol mewn cyd-destun byd go iawn.
Amser i gyflawni: 5 awr (gellir ei wneud mewn un diwrnod)
Efydd: 11+ oed fel arfer
Cyflwyno gwaith prosiect STEM gyda ffocws ar hwyl a sgiliau throsglwyddadwy.
Amser i gyflawni: 10 awr
Arian: 14+ oed fel arfer
Datblygu profiad o'r broses wyddonol mewn ymchwiliad hunangyfeiriedig.
Amser i gyflawni: 30 awr
Aur: 16+ oed fel arfer
Deffro potensial wrth i fyfyrwyr wneud ymchwil go iawn mewn prosiect penagored, hirdymor.
Amser i gyflawni: 70 awr
Canllaw yn unig yw pob oedran a roddir, dewiswch y lefel Gwobr sydd fwyaf addas ar gyfer eich myfyrwyr yn eich barn chi.
Gallwch ddefnyddio'r cyfrif hwn i gyflwyno gwaith prosiect CREST ac archebu tystysgrifau.
Porwch y gweithgareddau yn ein llyfrgell CREST, neu gall myfyrwyr greu a dylunio eu prosiectau eu hunain.
Dyma’r rhan hwyliog! Mae myfyrwyr yn gweithio’n annibynnol (mewn grwpiau neu yn unigol) i gwblhau eu prosiectau.
Darganfod: Mae myfyrwyr yn defnyddio eu pasbort i gofnodi a myfyrio.
Efydd, Arian, Aur: Gall myfyrwyr gofnodi eu gwaith mewn unrhyw fformat, gan sicrhau eu bod yn arddangos y meini prawf CREST.
Darganfod ac Efydd: Yn cael eu hasesu ganddoch chi, yna rydych yn lanlwytho sampl o’r gwaith.
Arian ac Aur: Rydych yn lanlwytho holl waith y myfyrwyr ynghŷd â ffurflen broffil i’w hasesu gan weithiwr proffesiynol mewn diwydiant sydd wedi ei hyfforddi fel aseswr.
Mewngofnodwch i’ch cyfrif CREST a gofynnwch am dystysgrifau. Bydd rhain yn cael eu postio atoch chi.
Mae gofyn i fyfyrwyr Arian ac Aur lwyddo yn yr asesiad allanol i dderbyn tystysgrifau.
Dewch o hyd i'ch adnodd perffaith, gyda dros gant o adnoddau prosiect CREST am ddim a phecynnau her ar gael sy'n ymgorffori ystod o weithgareddau ac arbrofion STEM sy'n pontio themâu niferus i weddu i wahanol sgiliau a grwpiau oedran.
I gefnogi addysg cyfrwng Cymraeg, rydym yn cynnig amryw o brosiectau Gwobrau CREST yn y Gymraeg:
Gall addysgwyr yng Nghymru dderbyn Gwobrau/tystysgrifau CREST am ddim. I hawlio Gwobrau am ddim, crëwch neu fewngofnodwch i gyfrif CREST ar-lein. Cyflwynwch yr wybodaeth ofynnol. Pan fydd eich cyflwyniad wedi'i gwblhau, caiff ei symud ymlaen i'r rownd dalu, lle gofynnir i chi fewnbynnu'ch cyfeiriad. Bydd gostyngiad o 100% yn cael ei ychwanegu ar y pwynt hwn.
Darganfyddwch sut mae CREST yn mapio i’r Cwricwlwm i Gymru:
Enghreifftiau ysbrydoledig o athrawon yn Nghymru yn cynnal CREST
Mae Rachael Mackay o Ysgol Gynradd Monnow yng Nghasnewydd wedi cynnal CREST ers pum mlynedd. Defnyddiodd brosiectau Discovery i gyflawni'r pedwar diben. Bu’n rhedeg ‘Peiriannau’r dyfodol’ a ‘Creadigaethau gwyllt’, sy’n gofyn i’r plant weithio mewn grwpiau a datblygu syniadau.
Darganfyddwch sut rhedodd Rachael y prosiect.
Mae'r blog hefyd ar gael yn Saesneg yma.
“Fe wnaeth ‘peiriannau’r dyfodol’ daro cymaint o’r pedwar diben. Roedd yn rhaid i'r plant fod yn uchelgeisiol a galluog, gan fod llawer o'u gwaith yn waith tîm, gyda'r plant yn cymryd rolau penodol o fewn y grŵp.
“Roedd yn rhaid iddyn nhw fod yn fentrus a chreadigol er mwyn meddwl a rhoi syniadau at ei gilydd ar gyfer peiriant nad oedd neb arall wedi meddwl amdano eto – ac wrth gwrs roedd yn rhaid iddyn nhw wedyn greu’r peiriant hwnnw’n gorfforol!”
Gellir cynnal CREST o bell hefyd fel y darganfu Alicia Davies, a oedd yn athrawes yn Ysgol Nantgwyn yng Nghymoedd De Cymru yn 2020. Tra bod ysgolion ar gau, cynhaliodd Alicia weithgareddau CREST gyda’i Blwyddyn 4 i Flwyddyn 8 ar-lein, i sicrhau eu bod yn dal i dderbyn addysg STEM gyfoethog. Wrth gwrs, nid ydym mewn sefyllfa cloi bellach, ond mae annog disgyblion i weithio ar brosiectau gartref, i hunanreoli eu prosiectau, yn fuddiol ar gyfer datblygu dysgu annibynnol.
Darganfyddwch sut y rhedodd Alicia Gwobrau CREST o bell.
“Roedd y pwyslais [o redeg prosiectau CREST] hefyd ar hunanreolaeth, her a dyfeisgarwch; roedd yn rhaid i ddisgyblion gwblhau’r heriau gan ddefnyddio pa bynnag adnoddau oedd ar gael iddynt yn eu sefyllfa cloi, felly naill ai o gwmpas y tŷ neu wedi dod o hyd iddynt ar eu teithiau cerdded.
Roedd hyn yn ei wneud yn amserol ac yn berthnasol iawn, ac yn golygu bod cyfyngiadau cloi wedi’u cynnwys fel sbardun i arloesi, yn hytrach na ffactor cyfyngol.”
Mae Matt wedi bod yn annog ei fyfyrwyr CA3 i ymgysylltu â D&T a datblygu sgiliau datrys problemau, sgiliau technegol, gwydnwch a chreadigedd trwy Wobrau Efydd a Darganfod. Integreiddio ei waith prosiect presennol i feini prawf CREST.
Darganfyddwch sut rhedodd Matt y Gwobrau.
Rhan 1: Mae CREST yn rhoi hwb i dylunio a thechnoleg
Rhan 2: CREST a phedwar diben Cwricwlwm i Gymru
“Pe baech chi'n edrych ar lawer o'r prosiectau yr oedd eich adran eisoes yn eu cyflawni ac yna'n edrych ar yr hyn yr oedd angen i chi ei wneud i ennill Gwobr CREST, mae'n debyg y byddech chi'n synnu pa mor agos oeddech chi.”
Gweld Gwyddoniaeth yw Sefydliad Cymorth Rhanbarthol CREST (RCSO) yng Nghymru. Gallant ddarparu arweiniad arbenigol trwy gydol proses Gwobrau CREST a gweithio i gefnogi addysgu a dysgu pynciau STEM yng Nghymru o fewn cyd-destun byd go iawn.
Neu gallwch gysylltu â thîm CREST trwy crest@britishscienceassociation.org
Mae’r rhwydwaith ymgysylltu athrawon - Engage Teacher Network - sy’n cael ei redeg gan Gymdeithas Wyddoniaeth Prydain ac sy’n cael ei reoli drwy gynllun Gwobrau CREST, yn gymuned o athrawon mewn ysgolion mewn amgylchiadau heriol sy’n rhannu syniadau, yn cyrchu adnoddau ysbrydoledig ac yn ymgeisio am grantiau i helpu i ddod â gwyddoniaeth, technoleg, peirianneg a mathemateg ( STEM) yn fyw i bob person ifanc. Ar ben hynny, mae'n hollol rhad ac am ddim!
